អាជ្ញាធរស្រុកកោះសូទិន ខេត្តកំពង់ចាម និងអាជ្ញាធរស្រុកស៉ីធរកណ្តាល ខេត្តព្រៃវែងនៅថ្ងៃទី ១៩ ខែមករា ឆ្នាំ ២០២៣នេះបានចុះសិក្សាទីតាំងស្ថាបនាស្ពានបេតុងទាំង ២ កន្លែង ដែលមានការចូលរួមពីលោក អ៊ុក ភារៈ មកពីក្រសួងសេដ្ឋកិច្ចនិងហិរញ្ញវត្ថុ និងតំណាង ក្រសួងអភិវឌ្ឍន៍ជនបទ។ លោក អ៊ុក ភារៈ មកពីក្រសួងសេដ្ឋកិច្ច និងហិរញ្ញវត្ថុ រួមជាមួយតំណាងក្រសួងអភិវឌ្ឍន៍ជនបទបានស្នេីសុំឱ្យអាជ្ញាធរនៅមូលដ្ឋានទាំងពីរស្រុក ឃុំ និងភូមិ ចូលរួមសហការជាមួយក្រុមការងារក្នុងការសិក្សាផលប៉ះពាល់ និងអំពាវនាវឲ្យបងប្អូនប្រជាពលរដ្ឋទាំងពីរស្រុកនេះ ចូលរួមលះបង់ ប្រសិនបេីការប៉ះពាល់ ឬខូចខាតដេីម្បីផលប្រយោជន៍រួម។ ទីតាំងទាំងពីរកន្លែងនោះរួមមាន៖ ១. ពីភូមិព្រែកសណ្តែក ឃុំព្រែកចង្ក្រាន ស្រុកស៉ីធរកណ្តាល ខេត្តព្រៃវែង ទៅភូមិល្វេ ឃុំល្វេ ស្រុកកោះសូទិន ខេត្តកំពង់ចាម មានប្រវែង១១០ម៉ែត្រ។ ២. ពីភូមិព្រែកព្នៅ ឃុំព្រែកចង្ក្រាន ស្រុកស៉ីធរកណ្តាល ខេត្តព្រៃវែង ទៅភូមិកំពង់ចំបក់ ឃុំព្រែកតានង់ ស្រុកកោះសូទិន ខេត្តកំពង់ចាម មានប្រវែង១១០មែត្រ។ ប្រជាពលរដ្ឋសង្ឃឹម និងសប្បាយរីករាយថា ឆ្នាំ២០២៣ខាងមុខ ពួកគេបានទទួលសមិទ្ធផលថ្មីមួយទៀតហេីយ៕