រាជធានីភ្នំពេញ៖ កាលពីនៅវេលាម៉ោង៤ៈ៣០នាទីល្ងាចថ្ងៃអាទិត្យទី២0 ខែវិច្ឆិកា ឆ្នាំ២0២២នេះ សាឡង់ដឹកខ្សាច់មួយគ្រឿង បានបើកបុកស្ពានបាឡេឆ្លងកាត់ទន្លេសាប ក្រឡាប់បោកផ្ទប់ជាមួយបង្គោលស្ពាន ស្ថិតនៅក្នុងសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ រងការខូចខាតជាដំណំ។ប្រភពពីប្រជាពលរដ្ឋដែលបានឃើញហេតុការណ៍ បានឱ្យដឹងថា មុនពេលកើតហេតុ ពួកគាត់បានឃើញ សាឡង់ដឹកខ្សាច់ខាងលើ បើកបរក្នុងទិសដៅពីត្បូងទៅជើងដោយឡើងបញ្ច្រាសខ្សែទឹកហូរ ដោយសារឡង់នោះដឹកខ្សាច់ធ្ងន់ផង បានបើកទៅបុកនឹងសសរគ្រឹះស្ពានក្រឡាប់បោកផ្ទប់ជាមួយបង្គោលគ្រឹះស្ពានគឿងទៅណាលែងរួចតែម្ដង។ ភ្លាមៗនោះ គេសង្កេតឃើញមានមនុស្សប្រុសស្រី៣នាក់(ប្រុស២ស្រី១) បាននាំគ្នាហែលទឹកចេញពីកប៉ាល់សាឡង់ដឹកខ្សាច់នោះឡើងលើគោកដោយសុវត្ថិភាព។ មួយសន្ទុះក្រោយមកក៏មានកម្លាំងមានសមត្ថកិច្ច ចុះមកដល់កន្លែងកើតហេតុ និងបានសាកសួរប្រជាពលរដ្ឋឃើញហេតុការណ៍ រួចធ្វើកំណត់ហេតុហើយ ក៏បានបិទស្ពានបាឡេ ទាំងត្រេីយខាងកើត និងត្រើយខាងលិច មិនឱ្យប្រជាពលរដ្ឋធ្វើដំណើរឆ្លងកាត់លើស្ពានបាឡេនោះជាបណ្ដោះអាសន្ន ខ្លាចក្រែងជួបគ្រោះថ្នាក់ជាយថាហេតុ..។ សម្រាប់ព័ត៌មានលម្អិត SBM News និងបន្តតាមដានករណីនេះនៅថ្ងៃស្អែកជាបន្តទៀត។