[Phnom Penh Reporter] - កំណាត់ផ្លូវជាតិលេខ៩៤ប្រវែងជាង៥៤គីឡូម៉ែត្រត្រូវបានមន្ទីរសាធារណការ ខេត្តព្រះវិហារធ្វើការជួសជុល ថែទាំឡេីងវិញ
ព្រះវិហារ៖ កំណាត់ផ្លូវជាតិលេខ៩៤ប្រវែង៥៤.៩គីឡូម៉ែត្រ ចាប់ពីឃុំឆែប២ទៅឃុំកំពង់ស្រឡៅ១ ជាប់ព្រំដែនឡាវត្រូវបានមន្ទីរសាធារណការនិងដឹកជញ្ជូនខេត្តព្រះវិហារចាប់ផ្តេីមជួសជុល ថែទាំឡេីងវិញ ដេីម្បីសម្រួលការធ្វេីដំណេីររបស់ប្រជាពលរដ្ឋ ។
លោកសំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារ បានអោយដឹងថា៖ ក្រុមការងារថែទាំផ្លូវថ្នល់នៃមន្ទីរសាធារណការនិងដឹកជញ្ជូនខេត្តព្រះវិហារ នៅថ្ងៃពុធ ១១រោច ខែចេត្រ ឆ្នាំខាល ចត្វាស័ក ព.ស.២៥៦៥ត្រូវនឹងថ្ងៃទី២៧ ខែមេសា ឆ្នាំ២០២២ នេះបាននិងកំពុងធ្វេីសកម្មភាព ជួសជុល ថែទាំឡេីងវិញ កំណាត់ផ្លូវជាតិលេខ៩៤ ប្រវែង៥៤.៩គីឡូម៉ែត្រ ចាប់ពីឃុំឆែប២ទៅឃុំកំពង់ស្រឡៅ១ ស្ថិតក្នុងស្រុកឆែប ខេត្តព្រះវិហារ ជាប់ព្រំដែនឡាវ ដោយធ្វេីការកៀរសម្រួល ស្រោចទឹក កិនបង្ហាប់។
លោកសំ លាងទ្រី បានសូមអោយបងប្អូនដែលធ្វេីដំណេីរឆ្លងកាត់លេីកំណាត់ផ្លូវជាតិលេខ៩៤សូមមេត្តាយោគយល់ និងបេីកបរដោយប្រុងប្រយ័ត្ន ប្រកបដោយស្មារតីទទួលខុសត្រូវខ្ពស់ ដេីម្បីជៀសវាងការកេីតឡេីងនូវករណីគ្រោះថ្នាក់ជាយថាហេតុផ្សេងៗ៕
