[Rasmei News] - ក្រុមអង្គភាពលូទឹក មានខោអាវការពារមេរោគ នៅពេលចុះបូមបង្គន់ នៅកន្លែងចត្តាឡីស័ក
2020-11-10
Go to the website published Rasmei News
ភ្នំពេញៈ ដើម្បីការពារសុវត្ថិភាពសុខភាព និងការពារពារឆ្លង ជំងឺកូវីដ ១៩ នោះ ក្រុមការងារអង្គភាពលូទឹក បូមទឹក នៃមន្ទីរសាធារណការ និងដឹកជញ្ជូន រាជធានីភ្នំពេញ បានទទួលខោអាវ ពីមន្ទីរសុខាភិបាល រាជធានីភ្នំពេញ សម្រាប់ស្លៀកពាក់ ការពារការឆ្លងរោគ នៅពេលបំពេញការងារ បូមលូបង្គន់ នៅកន្លែងចត្តាឡីស័ក។
ជាក់ស្ដែង កាលពីថ្ងៃទី៩ វិច្ឆិកា កន្លងទៅនេះ ក្រុមអង្គភាពលូទឹក បូមទឹកមួយក្រុម បានស្លៀក ពាក់ខោអាវ ការពាររោគនេះ បានចេញទៅបូមលូបង្គន់ នៅអនុវិទ្យាល័យពោធិចិនតុង កន្លែង ធ្វើចត្តាឡីស័ក ដើម្បីសំអាតអនាម័យ ឱ្យបានល្អ និងចៀសវាងស្ទះបង្គន់ ជូនបងប្អូនដែលមក ស្នាក់នៅ ដើម្បីធ្វើចត្តាឡីស័ក កន្លងមក ក៏ដូចជាកាលពីថ្មីៗនេះ។ កន្លងមក ក្រុមបូមលូ ក៏ធ្លាប់ មកបូមម្ដងហើយដែរ និងបានទៅបូម នៅកន្លែងចត្តាឡីស័ក នៅបន្ទាយទាហាន ក្នុងអាកាស យានដ្ឋានយោធា ទៀតផង តែកាលណោះ មិនទាន់មានសម្លៀកបំពាក់ សម្រាប់ការពារ ដូចពេលនេះទេ។
មន្ត្រី បានឱ្យដឹងថាៈ ខោអាវ ដែលពាក់ការពារខ្លួននោះ ពាក់ទៅត្រជាក់ មិនក្ដៅទេ ហើយក្រោយ ពាក់រួច ចេញពីកន្លែងបូមលូនោះ បានយកខោអាវនេះ ទៅដុតចោលទាំងអស់មិនទុកពាក់ម្ដង ទៀតទេ។ ជាមួយគ្នានោះ នៅមុនពេលចេញមកបូមលូបង្គន់ នៅកន្លែងចត្តាឡីស័កម្ដងៗ រថយន្តត្រូវបាញ់ថ្នាំ និងបាញ់អាកុល ហើយបូមរួច លាង និងបាញ់ថ្នាំម្ដងទៀត៕
