ឯកឧត្តម ស៊ុយ សាន រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួង សាធារណការ និង ដឹកជញ្ជូន ដឹកនាំគណៈប្រតិភូក្រសួងអញ្ជើញថ្វាយកម្រងផ្កា គោរពវិញ្ញាណក្ខន្ធ នៅវិមានឯករាជ្យ និង ព្រះបរមរូប ព្រះករុណា ព្រះបរមរតនកោដ្ឋ ក្នុងពិធីខួបអនុស្សាវរីយ៍លើកទី ៦៧ ទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយុទ្ធពលខេមរភូមិន្ទ ឆ្នាំ២០២០ ថ្ងៃអាទិត្យ ៨រោច ខែកត្តិក ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី៨ ខែវិច្ឆិកា ឆ្នាំ ២០២០ ឯកឧត្តម ស៊ុយ សាន រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួង សាធារណការ និង ដឹកជញ្ជូន បានដឹកនាំគណៈប្រតិភូក្រសួង ថ្វាយកម្រងផ្កាគោរពវិញ្ញាណក្ខន្ធ នៅវិមានឯករាជ្យ និង ព្រះបរមរូប ព្រះករុណា ព្រះបរមរតនកោដ្ឋ ក្នុងពិធីខួបអនុស្សាវរីយ៍លើកទី ៦៧ ទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយុទ្ធពលខេមរភូមិន្ទ ឆ្នាំ២០២០។ កម្មវិធីនេះបានប្រារព្ធធ្វើឡើង ដើម្បីចងចាំជានិច្ចនូវ ឧបការគុណយុទ្ធជន និងបុព្វបុរសដែលបានពលីជីវិតដើម្បីជាតិនិងប្រជារាស្រ្ត និងចងចាំជានិច្ចព្រះរាជ បូជនីយកិច្ចទាមទារឯករាជ្យដ៏ឧត្តុង្គឧត្តមនៃព្រះករុណាព្រះបរមរតនកោដ្ឋ។ ខួបអនុស្សាវរីយ៍លើកទី៦៧ នៃទិវាបុណ្យឯករាជ្យជាតិ ៩ វិច្ឆិកា (៩ វិច្ឆិកា ១៩៥៣ - ៩ វិច្ឆិកា ២០២០) ជាថ្ងៃដែលកម្ពុជាទទួលបានឯករាជ្យពេញបរិបូណ៌ពី សាធារណរដ្ឋបារាំង ក្រោមព្រះរាជបូនីយកិច្ចរបស់សម្តេចព្រះនរោត្តមសីហនុ ព្រះបរមរតនកោដ្ឋ អតីត ព្រះមហាក្សត្រនៃព្រះរាជាណាចក្រកម្ពុជា ស្របពេលជាមួយនឹងខួប៦៧ឆ្នាំនៃការបង្កើតកងយោធពល ខេមរភូមិន្ទផងដែរ។ ទិវាបុណ្យឯករាជ្យជាតិ ៩ វិច្ឆិកា បានរំលឹកឲ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រ ខ្មែររបស់ព្រះករុណាព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែល ព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតធ្វើការតស៊ូក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕