[អគ្គស្នងការដ្ឋាន នគរបាលជាតិ] - គ្រោះថ្នាក់ចរាចរណ៍ទូទាំងប្រទេសថ្ងៃទី១៦ មិថុនា មានការថយចុះគួរឲ្យកត់សម្គាល់ ៖ គ្រោះថ្នាក់៣លើក ស្លាប់២នាក់ របួស៤នាក់
ភ្នំពេញ ៖ យ៉ាងហោចណាស់មានមនុស្សចំនួន២នាក់ស្លាប់ របួសធ្ងន់២នាក់(ស្រីម្នាក់) និងរបួសស្រាល២នាក់(ស្រី២) នៅក្នុងហេតុការណ៍គ្រោះថ្នាក់ចរាចរណ៍ដែលកើតឡើងនៅទូទាំងប្រទេសថ្ងៃទី១៦ ខែមិថុនា ឆ្នាំ២០២០ ។ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី១៦ មិថុនានេះ បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប ចំនួន៦នាក់ គឺកើតឡើងដោយសារប៉ះទង្គិច ចំនួន៣លើក ៕
