[Koh Santepheap] - មុននេះបន្តិច ស្ពានបាឡេត្រូវបានផ្អាកដំណើរការហើយ (មានវីដេអូ)
2019-09-11
Go to the website published Koh Santepheap
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច ស្ពានបាឡេត្រូវបានផ្អាកដំណើរការហើយ បន្ទាប់ពីសាឡង់ដឹកប្រេងរបស់ក្រុមហ៊ុនសាគីមិច បានបើកកៀបនឹងស្ពាននេះកាលពីវេលាម៉ោង៣និង៥នាទីរសៀលថ្ងៃម្សិលម៉ិញ។ ហើយព្រឹកនេះថ្ងៃទី១១ ខែកញ្ញានេះ ស្ពានបាឡេត្រូវបានកម្លាំងជំនាញវិស្វករ ព្រមទាំងនគរបាលចរាចរណ៍ផ្លូវផងដែរ បានធ្វើការត្រួតពិនិត្យពីទំហំនៃការខូចខាតស្ពានបាឡេនេះ ដែលមានទីតាំងស្ថិតនៅក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ តភ្ជាប់មក ភូមិដើមគរ សង្កាត់ព្រែកតាសេក ខណ្ឌជ្រោយចង្វារ។សេចក្តីរាយការណ៍បន្តថា ស្ពានបាឡេខាងលើនេះ គឺមានលក្ខណៈទ្រុឌទ្រោមទៅហើយ ទើបត្រូវផ្អាកធ្វើចរាចរណ៍ ដើម្បីជួសជុលជាបន្តបន្ទាប់ បន្ទាប់ពីត្រូវសាឡង់ដឹកប្រេងបានបុក ។
គួរបញ្ជាក់ថា ជើងសសរស្ពានបាឡេដែលត្រូវបានសាឡង់ទឹកប្រេងបើកកៀរនោះ គឺជើងសសរទី៨ ដែលរាប់ពីមកពីទិសខាងលិច ហើយបណ្តាលឱ្យរងការខូចខាតក្រពឹតបាក់ជើងកាងផងដែរ។គួររំលឹកថា កាលពីប្រមាណជាង១ឆ្នាំមុន ស្ពានបាឡេខាងលើនេះ ត្រូវបានសាឡង់ដឹកប្រេងបានបើកកៀរម្តងមក ដោយបានធ្វើការដោះស្រាយជាសំណងប្រមាណជាង១០ម៉ឺនដុល្លារ ហើយឥឡូវនេះ ត្រូវសាឡង់ដឹកប្រេងបានប៉ះ និងកៀរម្តងទៀត ប៉ុន្តែគេមិនទាន់ដឹងថា ដំណោះស្រាយយ៉ាងណានោះទេ ។
