ភ្នំពេញ ៖ លោក ឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូន គោក បានអំពាវនាវ ឲ្យគ្រប់ក្រុមហ៊ុន ដឹកជញ្ជូនទាំងអស់ និងអ្នករថយន្តធុនធ្ងន់ ដែលពុំទាន់ មានប័ណ្ណ តាមប្រភេទយានយន្ត ឲ្យមកចុះឈ្មោះចូលរៀន យានយន្តធុនធ្ងន់ ក្នុងវគ្គបណ្តុះបណ្តាលលើកទី២ ដោយមិនគិតថ្លៃ នៅទីតាំងស្វយ័តភ្នំពេញ និង ស្វយ័តក្រុងព្រះសីហនុ ។ យោងតាមបណ្ដាញ ទំនាក់ទំនងសង្គមហ្វេសប៊ុក របស់ នៅថ្ងៃទី៨ ខែកក្កដា ឆ្នាំ២០១៩បានឲ្យដឹងថា “”សូមអំពាវនាវ ដល់គ្រប់ក្រុមហ៊ុនដឹកជញ្ជូនទាំងអស់ និងអ្នករថយន្តធុនធ្ងន់ ដែលពុំទាន់មានបណ្ណ តាមប្រភេទយានយន្ត សូមមេត្តារួសរាន់អញ្ជើញ មកទំនាក់ទំនងទទួលព័ត៌មាន និងចុះឈ្មោះចូលរៀន រថយន្តធុនធ្ងន់ ក្នុងវគ្គបណ្តុះបណ្តាលលើកទី២ ដោយមិនគិតថ្លៃ នៅទីតាំងស្វយ័តភ្នំពេញ និង ស្វយ័តក្រុងព្រះសីហនុ”។ សូមបញ្ជាក់ថា វគ្គបណ្តុះបណ្តាលបង្រៀនរថយន្តធុនធ្ងន់នេះ មានរយ:ពេលពេញ១សប្តាហ៍ ចាប់ពីថ្ងៃទី៨ ដល់ថ្ងៃទី១២ ខែកក្កដា ឆ្នាំ២០១៩៕