ធនាគារអភិវឌ្ឍន៍អាស៊ី (ADB) បានសម្រេចផ្តល់ប្រាក់កម្ចីប្រមាណជា ៧០លានដុល្លារដល់រដ្ឋាភិបាលកម្ពុជា សម្រាប់កែលម្អ និង លើកកម្ពស់កំណាត់ផ្លូវជាតិលេខ១ និង លេខ៦ ឡើងវិញ ។ ហើយកំណាត់ផ្លូវជាតិលេខ១ ដែលត្រូវធ្វើការកែលម្អឡើងវិញនោះគឺចន្លោះចាប់ពីអ្នកលឿង ទៅដល់ក្រុងបាវិត ។ ដោយឡែកកំណាត់ផ្លូវជាតិលេខ៦ ដែលត្រូវធ្វើការកែលម្អដែរនោះគឺចន្លោះពីក្រុងសៀមរាប ទៅក្រឡាញ់ ។ ធនាគារអភិវឌ្ឍន៍អាស៊ី (ADB) បានសម្រេចផ្តល់ប្រាក់កម្ចីប្រមាណជា ៧០លានដុល្លារដល់រដ្ឋាភិបាលកម្ពុជា សម្រាប់កែលម្អ និង លើកកម្ពស់កំណាត់ផ្លូវជាតិលេខ១ និង លេខ៦ ឡើងវិញ ។ ហើយកំណាត់ផ្លូវជាតិលេខ១ ដែលត្រូវធ្វើការកែលម្អឡើងវិញនោះគឺចន្លោះចាប់ពីអ្នកលឿង ទៅដល់ក្រុងបាវិត ។ ដោយឡែកកំណាត់ផ្លូវជាតិលេខ៦ ដែលត្រូវធ្វើការកែលម្អដែរនោះគឺចន្លោះពីក្រុងសៀមរាប ទៅក្រឡាញ់ ។ បើយោងតាមសេចក្តីប្រកាសព័ត៌មានរបស់ក្រសួងសាធារណការ និង ដឹកជញ្ជូនបានឱ្យដឹងថា ពិធីចុះហត្ថលេខាផ្តល់ និង ទទួលកម្ចីនេះ នឹងធ្វើឡើងនៅថ្ងៃទី១៣ ខែធ្នូ ឆ្នាំ២០១៨នេះ រវាងឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និង ដឹកជញ្ជូន និងតំណាងមកពី ADB ។ ហើយថវិកានេះនឹងត្រូវយកទៅប្រើប្រាស់សម្រាប់លើកកម្រិតផ្លូវជាតិលេខ១ ចន្លោះពីអ្នកលឿងទៅបាវិត (គីឡូម៉ែត្រលេខ ៦៣+៣០០ ដល់ គីឡូម៉ែត្រលេខ ១៥៩+០០០) ពីកម្រាលកៅស៊ូ DBST នាពេលប្ចុប្បន្នទៅជាកម្រាលកៅស៊ូ AC និងជួសជុលផ្លូវជាតិលេខ៦ ចន្លោះពីក្រុងសៀមរាប ទៅក្រឡាញ់ (គីឡូម៉ែត្រលេខ៣១៧+៦៣០ ដល់គីឡូម៉ែត្រលេខ៣៦៧+៥១២) ដែលបច្ចុប្បន្នមានកម្រាលកៅស៊ូ AC ស្រាប់ហើយនោះ នឹងត្រូវសាងសង់លូសងខាងផ្លូវ ដើម្បីរំដោះទឹកភ្លៀងចេញ។កំណាត់ផ្លូវទាំងពីរនេះ នឹងធ្វើការលើកកម្រិតដោយការងារស្ថាបនាក្រាលកៅស៊ូ AC រយៈពេល ១៨ខែ ហើយបន្តថែទាំរយៈពេល ៣៦ខែ សរុបប្រើពេល ៥៤ខែ ដែលនឹងចាប់ផ្តើមការដ្ឋានពីខែមករា ឆ្នាំ២០១៩ ដល់ខែមិថុនា ឆ្នាំ២០២៣ ។ ហើយប្រាក់កម្ចីនេះ ក៏នឹងមានការស្ថាបនាមន្ទីរពិសោធន៍សម្ភារៈសំណង់ចំនួន៤កន្លែង នៅខេត្តក្រចេះ កំពត សៀមរាប និងពោធិ៍សាត់ ដើម្បីបង្កលក្ខណៈឱ្យក្រសួងសាធារណការ និង ដឹកជញ្ជូនធ្វើការត្រួតពិនិត្យបច្ចេកទេសការស្ថាបនាផ្លូវថ្នល់ឱ្យកាន់តែមានគុណភាពល្អ ៕