កម្ពុជា ដាក់ឱ្យដំណើរការនូវកម្មវិធីដកពិន្ទុបណ្ណបើកបរ និងការបង់ប្រាក់ពិន័យ ចំពោះអំពើល្មើសច្បាប់ចរាចរណ៍ ដោយប្រើប្រាស់ឧបករណ៍បច្ចេកទេស គណៈកម្មាធិការជាតិសុវត្ថិភាពចរាចរណ៍ផ្លូវគោក បានប្រកាសពីការអនុវត្តន៍សាកល្បងកម្មវិធីកាត់ ឬដកពិន្ទុលើបណ្ណបើកបរ ចាប់ពីថ្ងៃទី០១ ខែកញ្ញា ឆ្នាំ២០២២ ខាងមុខតទៅ។ កម្មវិធីកាត់ ឬដកពិន្ទុលើបណ្ណបើកបរនេះ គឺអនុវត្តន៍ដោយសមត្ថកិច្ចនគរបាលចរាចរណ៍ ទៅលើអ្នកបើកបរប្រព្រឹត្តល្មើសច្បាប់ចរាចរណ៍។ អ្នកបើករ ដែលមានពិន្ទុសរុប ១២ នឹងត្រូវកាត់ ឬដកតាមប្រភេទបទល្មើសនិមួយៗ ដែលខ្លួនបានប្រព្រឹត្តិ រហូតដល់ដកសិទ្ធិបើកបរ និងមានការផាកពិន័យ ជាប្រាក់ផងដែរ។