MC.រដ្ឋបាលក្រុងសៀមរាបកំពុងត្រៀមរៀបចំសេចក្តីប្រកាសជាធារណៈអំពីវិធាន ការនានា ក្នុងការទប់ស្កាត់ការរំលោភចំណីផ្លូវ ផ្លូវកង់និងថ្មើរជើង ដើម្បីលើកកម្ពស់សោភ័ណភាពក្រុង និងបញ្ចៀសការកកស្ទះចរាចរណ៍ជាដើម។ អ្នកយកព័ត៌មានយើងប្រចាំខេត្តសៀមរាបធ្វើសេចក្តីរាយការណ៍! លោកនួន ពុទ្ធារ៉ា អភិបាល ក្រុងសៀមរាប បានប្រាប់អ្នក យកព័ត៌មានវិទ្យុជាតិកម្ពុជា នៅព្រឹកថ្ងៃទី១១ ខែកុម្ភៈ ឆ្នាំ២០២២នេះថា ដើម្បីលើក កម្ពស់សោភ័ណភាពសាធារ ណៈ ក្នុងក្រុងសៀមរាប ជាពិសេសការរៀបចំសណ្តាប់ធ្នាប់ លើកំណាត់ផ្លូវទាំង៣៨ ខែ្ស ដែលទើបតែសាងសង់រួចរាល់ និងដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ និងលើកកម្ពស់សោភ័ណភាពផងនោះ ក្រុម ការងារជំនាញបានប្រជុំពិភាក្សាគ្នាជាច្រើនសារួចមកហើយ អំពីវិធានការនានា ក្នុងការទប់ស្កាត់ប្រើប្រាស់ឬរំលោភចំណីផ្លូវ ផ្លូវកង់និងថ្មើរជើងជាដើម។ លោកបន្តទៀតថា ក្នុងពេលឆាប់ៗនេះ ក្រុមការងារជំនាញនឹងមានកិច្ចប្រជុំសម្រេចជាផ្លូវការ អំពីនិយាមការមួយ ចំនួន ដើម្បីប្រកាសជាផ្លូវការទៅកាន់ប្រជាពលរដ្ឋ ឱ្យយល់ ដឹងអំពីការចត និងការដាក់តាំងសម្ភារផ្សេងៗ ការលក់ដូរនៅលើចិញ្ចើម ចំណីផ្លូវឬផ្លូវកង់ និងថ្មើរជើង ដែលជា ហេតុនាំបាត់សោភ័ណភាពសាធារណៈ។ លោកបន្តទៀតថា ដើម្បីឱ្យប្រជាពលរដ្ឋបោះ បង់ចោលទម្លាប់នៃការចតយានជំនិះនៅលើផ្លូវថ្មើរជើង កន្លងមកក្រុមការងារក៏បានចុះទៅអប់រំផ្សព្វផ្សាយជាច្រើនលើករួចមកហើយ ប៉ុន្តែដោយសារនេះជាករណីថ្មី អាជ្ញាធរក្រុងនៅមិនទាន់ចាត់ វិធានការក្នុងការផាកពិន័យនៅឡើយទេ។ សំលេង៖ក្រុមការងារជំនាញបានប្រជុំពិនិត្យជាមួយគ្នាមួយលើកជាពីរលើក ជាបីលើករួចហើយ បើសិនជាទាន់ថ្ងៃទី ១៣នេះ យើងនឹងមានការប្រជុំពិនិត្យរួមគ្នាជាចុងក្រោយ ដើម្បីសម្រេចអំពីនិយាមការនេះ ជជែកគ្នាអំពីការអនុវត្ត និងឈានទៅប្រកាសផ្សព្វ ផ្សាយ ជូនបងប្អូនប្រជាពល រដ្ឋជាផ្លូវការកន្លងមកក៏មាន ការផ្សព្វផ្សាយជាបណ្តើៗបន្តបន្ទាប់ហើយ ដោយសារជារឿងថ្មី អ៊ីចឹងយើងអត់ទាន់ផាកពិន័យអីទេ កន្លងមកបងប្អូនយើងនៅរក្សាទម្លាប់នៃការចតយានយន្តនៅលើផ្លូវថ្មើជើង ដែលយើងបានរៀបចំជាផ្លូវថ្មើជើង អ៊ីចឹងថ្ងៃទី១៣នេះនឹងមានការពិនិត្យនិងការ ប្រកាសជាផ្លូវការអំពីការប្រើប្រាស់នេះ កន្លងមកមានរូបភាពដែលផុសផ្សាយដូចជាកន្លែងម៉ូតូ ប្រៀបធៀបជាមួយក្មួយប្រុសជិះកង់ តាមពិតជារូបចាស់ទេ រូបពីមុនដល់ពេលផុសមក ក្រុមការងារចុះទៅដល់ភ្លាម ប៉ុន្តែបញ្ជាក់មើល ទៅជារូបពីមុន មិនមែនស្ថាន ភាពបច្ចុប្បន្ននេះទេ។ លោកអភិបាលក្រុងសៀមរាប ក៏បានសំណូមពរដល់បងប្អូនប្រជាពលរដ្ឋទាំងអស់ ដែលរស់នៅសងខាងផ្លូវ សូមរួមគ្នាថែរក្សា ប្រើប្រាស់ និងលើកតម្លៃផ្លូវថ្នល់ទាំងអស់ឱ្យបានល្អប្រសើរ ឱ្យសក្តិសមនឹងភាពស្រស់ស្អាតរបស់ផ្លូវ និងគុណតម្លៃរបស់ក្រុងសៀមរាប ជាទីក្រុងទេសចរណ៍ ជា ពិសេសផ្លូវថ្នល់៣៨ខ្សែ ដែលទើបស្ថាបនារួចរាល់ ជាអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោហ៊ុន សែន ផ្តល់មកកាន់ខេត្តសៀមរាប ដើម្បីទាក់ទាញភ្ញៀវទេសចរមកលេងខេត្តសៀមរាបឱ្យកាន់តែច្រើន៕