[Rasmei News] - ផ្លូវជាតិលេខ៣មន្ត្រីនគរបាលនឹងរឹតបន្តឹងលើយានយន្តបើកបរលើសល្បឿនកំណត់
2020-07-29
Go to the website published Rasmei News
ភ្នំពេញៈផ្លូវជាតិលេខ៣ចាប់ពីរង្វង់មូលចោមចៅទៅដល់ខេត្តកំពតមានកន្លែងដាក់កាម៉េរាសុវត្ថិភាពដើម្បីចាប់យានយន្តបើកបរលើសល្បឿនកំណត់ចំនួន១០កន្លែងខណៈផ្លូវមួយចំនួនក្នុងក្រុងព្រះសីហនុនឹងត្រូវយកជាគំរូសម្រាប់មន្ត្រីនគរបាលចរាចរណ៍អនុវត្តការងារចាប់ល្បឿនយានយន្ត តាមកាម៉េរាសុវត្ថិភាព។ក្នុងពិធីប្រគល់និងទទួលរនាំងសម្រាប់គោលដៅត្រួតពិនិត្យចរាចរណ៍ចំនួន៣០០រនាំងជូនដល់ក្រសួងមហាផ្ទៃនៅព្រឹកថ្ងៃទី២៩ខែកក្កដាលោកទេសរដ្ឋមន្ត្រីបានឱ្យដឹងថាក្រៅពីកាម៉េរាសុវត្ថិភាពអចល័តទាំងនេះក៏នៅមានកាម៉េរាចាប់ល្បឿនចល័តរបស់មន្ត្រីនគរបាលចរាចរណ៍នៅតាមបណ្តាផ្លូវជាតិ និងផ្លូវខេត្តទាំងនោះដែរ។
លោកមានប្រសាសន៍ទៀតថាក្នុងករណីថតបានយានយន្តបើកបរលើសល្បឿនកំណត់នោះលិខិតផាកពិន័យនឹងត្រូវបញ្ជូនដល់ផ្ទះតែម្តងដោយមិនឱ្យអ្នកបើកបរណាមួយរួចខ្លួនបាននោះឡើយ។លោកនាយឧត្តមសេនីយ៍នេតសាវឿនអគ្គស្នងការនគរបាលជាតិបានឱ្យដឹងថាៈនៅពេលកាម៉េរាសុវត្ថិភាពទាំងនោះត្រូវបានបំពាក់រួចរាល់មន្ត្រីនគរបាលចរាចរណ៍នឹងអនុវត្តសាកល្បងទៅលើការចាប់ល្បឿនយានយន្តដែលបើកបរលើសកំណត់ហើយ។លោកបានបញ្ជាក់ថា «កន្លែងណាក៏ដោយ ឱ្យតែមានសមត្ថភាពបំពាក់កាំម៉េរាសុវត្ថិភាពបាន យើងនឹងអនុវត្តសាកល្បង»។យោងតាមអនុក្រឹត្យលេខ៣៩ស្តីពីការពិន័យអន្តរការណ៍ចំពោះអំពើល្មើសនឹងច្បាប់ស្តីពីចរាចរណ៍ផ្លូវគោកបានកំណត់ថាអ្នកបើកបរដែលលើសល្បឿនបានកំណត់ចាប់ពី១ទៅ១៩គីឡូម៉ែត្រក្នុង១ម៉ោងត្រូវផាកពិន័យ១២ម៉ឺនរៀល។ក្នុងនោះត្រូវផាកពិន័យ១២ម៉ឺនរៀលចំពោះអ្នកបើកបរដែលលើសល្បឿនកំណត់ចាប់ពី២០ទៅ២៩គីឡូម៉ែត្រក្នុង១ម៉ោងខណៈអ្នកបើកបរដែលលើសល្បឿនចាប់ពី៣០ទៅ៣៩គីឡូម៉ែត្រក្នុង១ម៉ោងត្រូវផាកពិន័យ១៨ម៉ឺនរៀលនិងចំនួន៣០ម៉ឺនរៀល ចំពោះអ្នកបើកបរលើសល្បឿនចាប់ពី៤០ គីឡូម៉ែត្រ ក្នុង១ម៉ោងឡើងទៅ៕
