ភ្នំពេញ ៖ លោក ទេសរដ្ឋមន្ដ្រី រដ្ឋមន្ត្រី បានឲ្យដឹងថា រចនាសម្ព័ន្ធក្នុងក្រុងសៀមរាប ដល់ពេលត្រូវសិក្សា រៀបចំផែនការមេ ដើម្បី ធ្វើការជួសជុស និងកែលម្អឡើងវិញ ដូចក្រុងព្រះសីហនុ ឲ្យសាកសម ជាទីក្រុងទេសចរណ៍ ជាពិសេស លើកស្ទួយមុខមាត់ ប្រទេសជាតិ ផងដែរ។ សូជម្រាបថា គម្រោងខ្សែមេ ចំនួន៣៨ខ្សែ សរុបប្រវែងប្រមាណ ៩៨,៣៤គីឡូម៉ែត្រ ក្នុងនោះ ២គន្លង មានប្រវែងប្រមាណ ៤៤គីឡូម៉ែត្រ និង៤គន្លង មានប្រវែងប្រមាណ ៥៤គីឡូម៉ែត្រ លាតសន្ធឹង ក្នុងសង្កាត់ទាំង១២ របស់ក្រុងសៀមរាប និងមួយផ្នែកនៃស្រុក បាគង ដែលស្ថិតក្នុងគម្រោង អភិវឌ្ឍហេដ្ឋរចនាសម្ព័ន្ធ ក្នុងក្រុងសៀមរាប។ ក្នុងជំនួបពិភាក្សាការជាមួយ លោក ទៀ សីហា អភិបាលខេត្តសៀមរាប លើការងារពាក់ព័ន្ធ នឹងការសិក្សាគម្រោងអភិវឌ្ឍ ហេដ្ឋារចនាសម្ព័ន្ធ ក្នុងក្រុងសៀមរាប ខេត្តសៀមរាប កាលពីថ្ងៃ ទី២៨ ខែមិថុនា ឆ្នាំ២០២០២ លោក មានប្រសាសន៍ថា « ហេដ្ឋារចនាសម្ព័ន្ធ ក្នុងក្រុងសៀមរាប ដល់ពេលដែលត្រូវសិក្សា រៀបចំផែនការមេ ដើម្បីធ្វើការជួសជុស កែលម្អ ឡើងវិញ ដូចក្រុងព្រះសីហនុ ឲ្យសាកសមជាទីក្រុងទេសចរណ៍ ដើម្បីលើកស្ទួយមុខមាត់ ប្រទេសជាតិ នៅលើឆាកអន្តរជាតិ តាមរយៈភ្ញៀវទេសចរអន្តរជាតិ»។ លោក គូសបញ្ជាក់ថា រាជរដ្ឋាភិបាល កំពុងសិក្សាស្វែងរកប្រភពថវិកា ដើម្បីអនុវត្តគម្រោង ហេដ្ឋារចនាសម្ព័ន្ធ ៣៨ខ្សែនេះ ។លោកថា ខេត្តសៀមរាប ជាប៉ូលសេដ្ឋកិច្ច ក៏សំខាន់មួយ របស់កម្ពុជា និងជាតំបន់តភ្ជាប់សេដ្ឋកិច្ច បាត់ដំបង-សៀមរាប។ នាឱកាសនោះ រដ្ឋមន្ដ្រីសាធារណការ រៀបរាប់ថា គម្រោងដែលក្រសួងកំពុងជួសជុល កែលម្អ ឡើងវិញ គម្រោងវាងក្រុង រួមមាន៖ ខេត្តលេខ 2SR3 ប្រវែង ១៤,៩៥គីឡូម៉ែត្រ បំបែក ពីលេខ៦ ត្រង់គីឡូម៉ែត្រ ៣០៨+៨៣០ (ចុងកៅស៊ូ) ដល់គីឡូម៉ែត្រ ៣១៩+៦០០ (ទឹកវិល) ក្រាលកៅស៊ូ DBST និងខ្នារចាស់ (វិថីសម្តេច ជា ស៊ីម) ប្រវែង ៤,៦០គីឡូម៉ែត្រ បន្តពី ៧មករា ចាប់ពីលេខ 2SR3 ឆ្ពោះទៅកាន់ខេត្តលេខ 265F និងគម្រោងវាងខាងត្បូង ក្រុងសៀមរាប មានប្រវែង៤៥គ.ម ចាប់ពីលេខ ៦ ត្រង់ចំណុច គីឡូម៉ែត្រ២៩១ ដល់គីឡូម៉ែត្រ ៣៣០ កំពុងសិក្សាជ្រើសរើសគន្លងខ្សែ និងសិក្សាសមិទ្ធិលទ្ធភាពគម្រោង។ ឆ្លៀតឱកាសនោះ លោក ទៀ សីហា បានលើកឡើងថា ខេត្តសៀមរាប គឺជាខេត្តទេសចរណ៍ វប្បធម៌ និងប្រវត្តិសាស្ត្រ ហើយស្ថានភាព ហេដ្ឋារចនាសម្ព័ន្ធជាច្រើន ត្រូវធ្វើការជួសជុល និងកែលម្អឡើងវិញ ហើយគម្រោងខ្សែមេទាំង ៣៨ខ្សែនេះ ដែលបានសិក្សានេះ គឺជាសរសៃឈាម និងជាបេះដូងរបស់ខេត្ត ដើម្បីកំណើនសេដ្ឋកិច្ច ទេសចរណ៍ និងសោភណ្ឌភាពរបស់ខេត្ត។ លោកបន្ដថា ការងារជួសជុល និងកែលម្អចំនួន១០ខ្សែ ដោយរដ្ឋបាលខេត្តសៀមរាប រួមមាន៖ តាអុច នាគទេព ខ្នែងជន្លង់ តុងសេង អាទីហ្សង់ គោកស្រិត ជាប់សូហ្វីតែល ពន្ធដារខេត្ត កេសរកូល និងស្វាយមាស។ សូមបញ្ជាក់ថា គម្រោងសិក្សាទាំង ៣៨ខ្សែនេះ ជាបណ្តុំ បណ្ដាញមេ យ៉ាងប្រទាក់ក្រឡា ក្នុងក្រុងសៀមរាប នឹងជួយសម្រួល ដល់ការធ្វើដំណើរ របស់ប្រជាពលរដ្ឋ ក៏ដូចជា ភ្ញៀវទេសចរក្នុងខេត្តសៀមរាប កាត់បន្ថយពេលវេលា ក្នុង និងចរាចរណ៍ទំនិញ គ្រប់ ប្រភេទ កាត់បន្ថយការកកស្ទះ និងណ៍ ព្រមទាំងលើកកម្ពស់សោភណ្ឌ ភាព ទីក្រុងសៀមរាប ឲ្យសាកសមជាទីក្រុងទេសចរណ៍វប្បធម៌ និងប្រវត្តិសាស្ត្រ របស់កម្ពុជា៕