[CEN] - ចុះបង្ក្រាបយានដ្ឋានមួយ លួចបើកកែច្នៃរថយន្តខុសលក្ខណៈបច្ចេកទេស ឃុំត្រើយស្លា
2020-02-27
Go to the website published CEN
ភ្នំពេញ៖ ក្រសួងសាធារណការ និងដឹកជញ្ជូន នៅថ្ងៃទី២៦ខែកុម្ភៈនេះ បានចេញប្រកាសព័ត៌មានថា នៅថ្ងៃទី២៤ ខែកុម្ភៈ ឆ្នាំ២០២០ មន្ទីរសាធារណការ និងដឹកជញ្ជូន ខេត្តកណ្ដាល បានសហការជាមួយកម្លាំងនគរបាលសេដ្ឋកិច្ច នៃស្នងការដ្ឋាននគរបាលខេត្តកណ្ដាល ចុះបង្ក្រាបយានដ្ឋានកែច្នៃមួយកន្លែង ដែលមានទីតាំង ស្ថិតនៅក្នុងភូមិ ព្រែកប៉ាន ឃុំត្រើយស្លា ស្រុកស្អាង ខេត្តកណ្ដាល ដែលបានធ្វើការលួចលាក់កែច្នៃដំឡើងទ្រុងរថយន្ត។យានដ្ឋានកែច្នៃរថយន្តនេះ មានម្ចាស់ឈ្មោះ អេង គង់ ភេទប្រុស មានទីតាំងនៅបច្ចុប្បន្ន ភូមិស្រីបណ្ឌិត ឃុំស្លា ស្រុកសំរោង ខេត្តតាកែវ ។
តាមការត្រួតពិនិត្យរបស់ក្រុមការងារ យានដ្ឋាននេះទើបនឹងលួចបើកធ្វើអាជីវកម្ម និងគ្មានច្បាប់អនុញ្ញាតពីមន្ទីរសាធារណការ និងដឹកជញ្ជូនខេត្តកណ្ដាលឡើយ។
ចំណែកម្ចាស់អាជីវកម្ម និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅចាត់ការតាមនីតិវិធីច្បាប់ ៕
