ព្រះវិហារ៖ ព្រឹកថ្ងៃទី២៣ ខែកុម្ភៈ ឆ្នាំ២០២០ ឯកឧត្តមប្រាក់ សុវណ្ណអភិបាលខេត្តព្រះវិហារ អមដំណើរដោយលោកគោ ស៊ុប៊ុនសឿតអភិបាលរងខេត្ត លោកទែន សារុំសមាជិកក្រុមប្រឹក្សាខេត្ត លោកឧត្តមសេនីយ៍ទោសួស សុខដារ៉ា ស្នងការនគរបាលខេត្ត លោកសំ លាងទ្រីប្រធានមន្ទីរសាធារណការ និងដឹកជញ្ជូនខេត្ត ព្រមទាំងអជ្ញាធរ ស្រុកសង្គមថ្មី និងស្ថាប័ន​ ពាក់ពន្ធ័នានា បានចុះពិនិត្យមើលដោយផ្ទាល់ដល់ទីតាំងស្ពានស្ទឹងស្តៅ​ ដែលរងការឆេះដោយសារភ្លើងឆេះព្រៃរាលមកនេះ។ ឯកឧត្តមអភិបាលខេត្ត ប្រាក់ សុវណ្ណ បានបញ្ជាទៅលោកប្រធានមន្ទីរសាធារណការ និងដឹកជញ្ជូនខេត្ត ត្រូវធ្វើការ​សាង​សង់​ស្ពាននេះជាបណ្តោះអាសន្នឡើងវិញចាប់ពីថ្ងៃនេះអោយបានឆាប់រហ័ស ដើម្បីងាយស្រួលក្នុងការធ្វើដំណើររបស់​បងប្អូនប្រជាពរដ្ឋ ដើម្បីឆ្ពោះទៅកាន់គេហដ្ឋាន ស្រែ ចំការ របស់ពួកគាត់ ។ លោកសំ លាងទ្រី ប្រធានមន្ទីរសាធារណការ និងដឹកជញ្ជូនខេត្ត បានចាត់ក្រុមការងារចុះមកសិក្សាដើម្បីសាងសង់ស្ពាននេះឡើងវិញ ហើយឈើក៍ត្រូវបានដឹកជញ្ជូនមកកាន់ទីនេះដែរ។ សូមបញ្ជាក់ថាស្ពានស្ទឹងស្តៅនេះ គឺជាស្ពានដែលមានសភាពចាស់ទ្រុឌទ្រោមណាស់ទៅហើយ អាជ្ញាធរខេត្តក៍គ្រោងនិងសាងសង់ស្ពានដែកបាឡេ ក្នុងពេលឆាប់ៗនេះដែរ។ ហើយស្ពានស្ទឹងស្តៅនេះគឺជាស្ពានសហគមរបស់ប្រជាពលរដ្ឋ មិនមែនជាស្ពានរបស់លោកបេន ដេវីសនោះទេ បើគិតពីស្ពាននេះទៅផ្ទះលោកបេនគឺមានចំងាយជាង១០គីឡូម៉ែត្រឯណោះ៕