[Sabay] - ស្ពានតភ្ជាប់ពី កំពង់ចាម-ត្បួងឃ្មុំ សម្រេចការសាងសង់បានប៉ុន្មានភាគរយហើយ?
2019-12-25
Go to the website published Sabay
/local-6/5e02e66d8b63b_1577248320_medium.jpg)
ស្ពានតភ្ជាប់ពី ស្រុកស្ទឹងត្រង់ (ខេត្តកំពង់ចាម) ទៅស្រុកក្រូចឆ្មារ (ខេត្តត្បួងឃ្មុំ) ដែលបានបើកការដ្ឋានសាងសង់កាលពីថ្ងៃទី៩ ខែកុម្ភៈ ឆ្នាំ ២០១៨ ហើយគិតមកដល់ពេលបច្ចុប្បន្នបានសម្រេចការសាងសង់ប្រមាណ ៧៥,៧% ហើយ។ នេះបើតាមការឲ្យពីក្រសួងសាធារណការ និងដឹងជញ្ជូន នៅថ្ងៃទី ២៥ ធ្នូ នេះ។ក្រុមការងារអនុវត្តគម្រោងក៏បានស្នើឱ្យក្រុមហ៊ុនសាងសង់បន្តយកចិត្តទុកដាក់ធ្វើការសោចទឹកជាប្រចាំតាមបណ្ដោយផ្លូវតភ្ជាប់ដើម្បីកាត់បន្ថយផលប៉ះពាល់(ដីហុយ)និងធ្វើការរៀបចំប្រព័ន្ធសុវត្ថិភាព(ស្លាកសញ្ញាចរាចរណ៍ខ្សែចំណាំងផ្លាតការពារតាមជម្រាលជើងទេរនិងប្រព័ន្ធភ្លើងសញ្ញាបំភ្លឺពេលយប់)ឱ្យបានត្រឹមត្រូវនិងគ្រប់គ្រាន់ដើម្បីធានាសុខសុវត្ថិភាពអំឡុងពេលសាងសង់ស្ពាននេះ។
គម្រោងសាងសង់ស្ពាននេះនឹងចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែងឃុំព្រែកកក់ស្រុកស្ទឹងត្រង់ខេត្តកំពង់ចាមឆ្លងកាត់ទន្លេមេគង្គទៅត្រើយខាងកើតស្ថិតនៅភូមិក្តុលលើឃុំទ្រាស្រុកក្រូចឆ្មារខេត្តត្បូងឃ្មុំ។
ស្ពាននេះមានប្រវែងសរុប១១៣១ម៉ែត្រនិងទទឹង១៣,៥០ម៉ែត្រជាប្រភេទស្ពានបេតុងសរសៃដែក។ការសាងសង់គ្រោងនឹងបញ្ចប់នៅឆ្នាំ២០២១។គម្រោងសាងសង់ស្ពាននេះគ្រោងចំណាយថវិកាសរុបជិត៥៧លានដុល្លារដែលជាហិរញ្ញប្បទានសម្បទានពីរដ្ឋាភិបាលចិនរួមជាមួយថវិកាបដិភាគរបស់រាជរដ្ឋាភិបាលកម្ពុជាសម្រាប់ដោះស្រាយផលប៉ះពាល់និងបោសសម្អាតយុទ្ធភ័ណ្ឌមិនទាន់ផ្ទុះ៕
